Maraland Idol 2010, NSV Studio,N.Colony,Siaha liata pathao haw

Maraland Idol 2010 Competition cha daihti vahro pi Maraland Idol 2010 Organising Board ta apachhuahpanohpa cha hlaohtloh kaw pata Dt. 09/11/2010, 7:00pm pata pathao hawpa a cha. Maraland Idol 2010 daihti he NSV Cable Network ta Marapa zawpi mothei awpa ta Live ta a pie. Maraland Idol 2010 Competition Pahyna daihti he Session sano lata pachhaihpa a cha. Session-I daihti he Pihno H.C Nakua, Director, Maraland Idol 2010 Organising Board chhithana ry liata Rev. CH.Chhama, Sr. Executive Secretary,ECM Siaha ta thlachhana a hnei. Khichhai laipa Shri Kunal,IAS, DC,Siaha Competition pahyna daihti a hma.

Khichhai zachhipa Mrs. Suman Goyal, IPS,SP,Siaha ta pasyunabie a reih hra. Khichhai laipa nata Khichhai zachhipa zyta mara pasaw zyta eima Mara reih pabosa apeimaw zie reina hnei eita hi nata pho pabosa nawpata Mara hlasa atao pasuana zy vata acha tapa ama reih,akhohpa mai mo thei awhpata NSV siaha ta live tamo theih aw.

Session-II liata Puhpa V. Zacho, Chief Judge, Maraland Idol 2010 Competition Highlights hneitua ta, chatawhta Host tuhpa Ls. Valenty Lapi nata St.Vabeirono Hlychho(Apaw) zyta pahnie kaw pata he ataopasuana daihti he ama siekhei.

Maraland Idol 2010 ataopasuana liata apuapa zydua cha 66 cha ei ta, he ataopasuana liatalyma cha he hawna he ta a cha : Maraland Idol 2010 chata Rs. 50000/- nata Idol Crown, 1st Runner up : Rs. 30000/- & Trophy, 2nd Runner up : Rs. 20000/- & Trophy. Top 10 -zy hnota Consolation Prize Rs. 2000/- chyu piepa ama cha aw tahpa Maraland Idol 2010 Organizing Board ta apathlu. Maraland Idol 2010 Competition hlaotloh kawpa ta pachhuahpanoh theina chhapa he SSA-Right to Education, MADC, Siaha ta a Sponsored pa vata a cha.


Source: aihaherald.wordpress.coms