MHIP-in Black Day an huaihawt

MHIP Gen.Hqrs huaihawtin nimin khan High School Field, MacDonald Hill-ah tun hnaia pawngsualna hluar ta leh hmeichhe naupangte thihna hial thleng demzia lantir nan leh Pathianni hnena \anpuina dilna hun, Black Day hman a ni.

Black Day hi MHIP Gen. Hqrs. Secretary, F Lalram liani'n a kaihruai a, mi 1,500 vel tel zinga Transport Minister, PC Zoram Sangliana pawh a tel. Inkhawmah hian Aizawl SP, Lalbiakthanga Khiangte, Social Welfare department Dy.Director Laldikkimi, Central YMA President Lalchungnunga, Central K|P Leader, Rev. K Lalpiangthara leh MHIP President Lalthlamuani ten thu an sawi a ni.

Inkhawmah hian tun hnaia pawngsuala thah zui tak naupang pahnih - Emmanuel Zomuanpuii (5) leh Lalhlimpuii (5) te chhungte tanpuina tur thawhlawm khawn a ni a, Rs. 47,160 an thawhkhawm a, a inzat-in vanduaina tawk chhungte hi an hlan.

Aizawl SP-in Mizorama pawngsualna thleng report a pek danin, kum 2006 atanga kumin November thla thleng hian pawngsual thubuai 331 ziah luh a ni a, chung zinga 76 chu kumin chhunga mi a ni. Heng pawngsual thubuaiah hian a tuartu mi 344 an awm a, chung zinga 69 chu kumina mi an ni.

Black Day hmannaah hian resolution pali pass a ni a. Resolution-ah chuan, tun hnaia hmeichhia leh naupangte khuaikhem leh pawngsual hluar ta lutuk an dem a, hmeichhia leh naupang an him ta lo chu runthlak an tih thu te; tun hnaia naupang pawngsuala thah zui takte chhungte an tawrhpui thu leh, tun hnuah chuan hetiang sualna hi thleng tawh lo se duh te; hmeichhia khuaikhemtu leh pawngsualtute danin a phal anga a na thei ang bera hrem an phûtna te; pawngsualtu na zawka hrem an nih theih nan dan siamthat duhnate leh, nunrâwng taka inpawngsualna a thlen leh palh pawhin, a titu chungah engpawh thleng se, a titute cho chhuah a nih tur thute a tel a ni.


2006-2010-a pawngsual thubuai
Kum Thubuai A tuartu zat
2006 66 70
2007 70 78
2008 51 106
2009 68 71
2010 76 69
Total 331 344


Source: vanglaini.org

In enkawl turin Delhi pan

Mizoram Chief Minister Pu Lal Thanhawla chuan nimin khan a hriselna lam that tawk lohna avangin in enkawl turin New Delhi lam a pan a, CM hian AIMS ah emaw a rem channa ah Panpui a ni dawn a ni. Chief Minister Pu Lal Thanhawla hi Hapta hnih vel liam ta ah khan Serchhip-ah a nat thut avangin Helicopter hmanga Aizawl panpui nghal a ni a, Doctor ten an enfiah hnu ah Uluk zawka enkawlna pek a ngaih thu leh Zai pawh a ngaih mai theih thu an sawi avangin Hetianga Phailam a Damdawiin tha zawka Panpui tum a ni ta a ni.

Chief Minister Pu Lal Thanhawla hi hrisel lohna avangin hemi hma lam pawh khan Hmunpui zawkah enkawlna pek a lo ni tawh a, amaherawh chu a ziaawm theih mai loh avangin enkawl zuizel hi a tul ta a ni. A that leh thuai beisei a nih thu Doctor te chuan an sawi.

Maraland Idol tan zan hian mi panga an inlan phawt a,an zinga Lopamsu product T.Vabeipha kha mipui lawm a hlawh phian.Chhaolo product ZT.Beizawngia kha Judge ten comment an pe tha hle.

Maraland idol 2010 hawnna programme khual lian te nupa hnenah Mara Hnam Puan leh Centenary Shawl chu Nula N.Dawdaw, Treasurer,MHP hqrs chuan a present a, khuallian Pu Kunal,DC Saiha leh khual zahawm Pi Suman Goyal, SP Saiha chuan lawmthu an sawi a ni.


Source: moonlightonline.net

Joel Hlychho a chak

Nikum LPS Pro fight boxinga boruak nei ber pawl Joel Hlychho vhuan a khingpui a hneh leh ta a,chak zel tura beisei a ni.Saiha Boxer 2, Joel Hlychho, Old Siaha leh Simon Hlychho, New Colony-te chuan niminpiah zan khan LPS Pro Fight ah an bitumte hnehin Pre Quarter Final an lut ve ve a, nizan lam khan LV.Chokhu chu a khingpui nen inhnek lehin result erawh he thuthar lakkhawm lai thleng hi chuan kan hre hman lova, naktuk lamah tarlan a ni ang. Report dawn chin-ah chuan Saiha atanga LPS Pro Fight a tel 8 zing a 8-te hi chu an la che tha hle zel a . Champion tur pawh a beisei ngam an ni.


Source: moonlightonline.net

Bible Quize Notice

Bible Quize competition liata pahno awpa pei mawh pazy:-

1. Tari 11.11.2010 za 6:00 Pm pata NSV studio liata a ki khai awpa a cha.

2. Branch sakha tawhta 3 hlata hluvia participant pazi pasaipa cha vei.

3. Tari 11.11.2010 daw 11:00 am pata a hlao awpa zydua NSV Studio liata rehearsal hnei awpa a cha.

4. Live-line hnei khohpa chata landline number he ary liata moh ropa hnohta pangia khai awpa a cha.

5. Audience zy chata Quize arypaona hawta taopa a cha aw.

6. Hmo hropa zydua cha pahnosana hmiatuapa kha a ngiapa khaipa a cha aw.

Sd/-Vabeikhaihmo Solo

Secretary,Bible Quize

Organising Committee

ECM-KTP Hqrs Siaha

Mb-9436149841

Source: moonlightonline.net

Moonlight Award chawl hrih ang

Kumin chu Moonlight Award chawlh hrih a ni dawn.Kum 7 a zawnin ML Award 200 chuang sem a lo ni tawh a, a hlutna te ven tel a tul bawk.Hall hman tur complete sa a awm rih loh avangin kumtin programme liantham buatsaih hi a hautak hle thin a,MTP Hall hi Hall lian awm chhun a ni a, complete hun a nghahhlelh awm tak zet a ni. Moonlight Award hi kum 1/2 chu chawlh a ni dawn. Mipuite thlawpna kan that em avangin mipui tawiawmna leh thlawp na kan dawn tawhna zawngah lawmthu kan sawi tak zet a ni.

Moonlight Award hi Moonlight Award Organising Board-in a buatsaih thin a ni mai lova, ML Board hi chu a kaihruaitu mai kan ni a, mipuite nena tangruala kan buatsaih ni zawk.

By – Jeffrey Khara
Chief Organiser,ML-OB


Source: moonlightonline.net

MNF-in Pu N.Chakhai demna PR an siam

Nimin khan MNF District Hqrs Saiha chuan Press Release siamin Pu HC.Lalmalsawma Zasai,MDC, President MNF District Hqrs Saiha in a bial chhunga harsat na report a pek laiin Pu N.Chakhai,PD,DRDA Saiha chuan a kutzung chal meuhva kawkin “ I bial chu bial dawheh,i bial mipuite chu tanpui tlak loh anih chu,a ti a.Hei mai duh tawk lovin pawnah insualpuiah a chova,a chhuak nghal a,Pu HC.L.Zasai pawhin a zui chhuak ve ta mai a,Pu N.Chakhai, PD, DRDA hian a tih loh tawp tur a ni tih hria se tha kan ti, Mara ram mipui, Rawmibawk bial mipuite hmuhsitnaah kan ngai a ni,chuvangin Pu HC. Lalmalsawma Zasai, MDC hnenah ngaihdam dil turin kan phut a ni,tiin an thuchhuah chuan a tarlang.


Source: moonlightonline.net

Mizoram Governor M.M.Lakhera Saiha-ah

Saiha,Nov,11: Nimin khan Mizoram Governor Pu M.M.Lakhera chuan Saiha a rawn tlawh a,DC Conference Hall-ah Sawrkar mi pawimawhte,NGO/thuthar lakhawmtuten an kawm a,Pu Kunal,DC,Saiha chuan Projector hmangin Saiha district hmalak mek te leh October-November chawhma a ruahsur nasa vanga Saiha District chhiat tawhdan te, New Colony,etc sinking area te tarlangin harsatna tawh dan hrang hrang a thlen a ni.MADC Complex-ah ropui takin Larsap hi lo lawm a ni a.Pu H.Sahlo,EM,LAD, chuan MADC aiawhin darkhuang lian tawk tak chu Larsap a present a ni.

Programme hi Pi N.Elizabeth Dawku, AP&DO, MADC chuan hneh takin a kaihruai a,Pu FC.Zase, Chairman,MADC chuan welcome speech a nei a,Pu S.Khipo,CEM,MADC leh a thawhpuite chuan Governor chu MADC dinhmun leh tul dangte an sawipui a ni.Governor chuan, sawrkarin hmasawnna hna thawhna tur sum tam tawk tak chu a dah reng a,chumi sum hmang chuan hna in thawk a,mahse Mizoramah hian hmasawnna hmuh tur a tam lo,chuvangin in enchian atul a ni,tiin ram hmasawnna atan taaimakna leh rinawmna bakah inpekna nun nena tumruhna nena hmasawnna hna thawh atul tak zet a ni,chutianga in ti thei phawt chuan hmasawnna chu a awm ngei ngei ang,tiin a sawi a.Mizoram hmasawn thei lohna chhan chu a hun taka project thehluh loh leh Utilisation Certificate thehluh kan ngaihsak thin loh vang hi a ni ber,a ti.Khua/Kalkawng kan din dawnah ruahmanna felfai tak kan neih hmasak phawt a pawimawh a,chu chuan chhiatna nasa tak lo thleng tur min pumpelh tir thei ang,a ti.


Source: moonlightonline.net

Golden Jubilee hmang

Nimin khan New Saiha Primary School -I kum 50 tlinna Golden Jubilee lungphun chu Pu K.Hrahmo,EM, Education,MADC chuan a hawng.

He programme Pu C.Vacho kaihhruaiah hian Rev.Thylua Hlychho-in hunserh a hman hnuin khuallian Pu K.Hrahmo chuan thu sawiin, New Saiha School-I Golden Jubilee a lawmpui tak zet thu leh nakum sikul tan hmain New Saiha AR kawng bulhnai-ah New Saiha Primary School -III din a ni dawn tih a puang bawk.

Khuallian chuan sawrkarin policy thar duang chhuakin zirlaite tan malsawm na double alo thleng a,chu chu Text bu leh uniform free vek a ni tawh anga ti.

Pu V.Zacho,EO,MADC chuan New Saiha P/S-I Souvenir a tlangzarh thung Pi H.Mangfami, Head mistress chuan report a pe a, Pu Lengduna, bialtu MDC, C.Hrangthuama,Principal, GHSS Saiha leh mi pawimawh dangte pawhin thusawina hun an hmang a ni.

Golden Jubilee Ruai kilho nghal a ni.


Source: moonlightonline.net

Maraland Idol 2010 chu Pu Kunal,IAS, DC Saiha chuan a hawng ta

Saiha,Nov,10 : Nizan khan New Skylink Vision Studio,New Colony-ah Maraland Idol 2010 chu khuallian Pu Kunal,IAS,DC Saiha chuan a hawng.

Khuallian chuan Mara thalaite zai lama talent haichhuak tura MHP leh Maraland Idol Organising Board hmalakna chu fakin hma la chhun zawm zel turin a fuih bawk.

Khualzahawm Pi Suman Goyal,SP Saiha pawhin fuihna thu a sawi a ni.Pu Pasa T.Azyu,MHP Hqrs President leh Pi HC.Nakua,Director, Maraland Idol,2010 chuan Pu K.Hrahmo,EM,Education chungah lawmthu an sawi a, a sponsor vanga an lawmthu an sawi bakah DC Saiha leh a thawhpui,SP Saiha leh a thawhpuite chungah lawmthu an sawi bawk.

Maraland Idol 2010 hi Miss Valentie Lapi leh Mr.Vabeirona Hlychho (Apaw) chuan hneh takin an host a ni. Miss Valenty hi Iana(Ainak) Middle School Teacher niin Maraland idol host atana ruat a ni tih an hriat veleh MHP ngenna ngai pawimawhin Pu K. Hrahmo,EM,Education,MADC leh Pu L.Khaichyu, bialtu MDC,Vice Chairman,Planning Board,MADC chuan phalna an pe nghal a,tichuan Iana MTP member ten Saiha thleng an rawn thlah ta a ni.

Miss Valenti hi Pu J. Vialua(L) Tribute concert ah pawh khan hneh taka lo host tawhtu a ni bawk.Judges te chu hengte hi an ni.

Chief Judge – Pu V.Zacho, Judges: Pu N.Lybei leh Pu C.Samau. Dt.8.11.2010 zan khan I&PRO Conf Hall-ah Briefing neih a ni a.Pi HC.Nakua,Pu Pasa T.Azyu,Pu V.Zacho,Pu LC.Chasai ten fuihna thu an sawi a ni. Pu John beizachhi hlaphuah Theme song hman a ni. He briefing ahMacha K.Chhihrau chuan tawngtaina a nei a ni.


Source: moonlightonline.net

MIZORAM LARSAP IN SAIHA A LO THLENG

Mizoram Larsap Lt. General (Rtd) Pu M.M.Lakhera PVSM,AVSM,VSM chuan nimin chawhnu dar 12 : 55 khan Parva atangin Helicopter in Saiha alo thleng. Saiha Helipad-ah hian District Bawrhsap Pu Kunal IAS, Pu S.Khipo, C.E.M., M.A.D.C., leh Pi Suman Goyal I.P.S., S.P. Saiha te chuan anlo dawngsawnga, Saiha khawchhunga zirlai naupang pawl 5 – 12 ten Helipad atanga DCs Office Complex inkar kawng tluanin,kawng sirah intlarin Larsap hi an lo hmuak bawk ani.

Amah lo hmuahna inkhawm tawi D.Cs Conference Hall Saiha-a buatsaih ah Guard of Honour Mizoram Police, Saiha ten an pek zawh in Hnamhla G.H.S.S. Saiha School naupang ten sa in Larsap hi an lo lawm ani. Saiha District chhunga Department hrang hrang hotute, Mara Autonomous District Council hruaitute, Tlawmngai pawl hrang hrang hruaitute leh Chanchinthar thehdarhtu ten amah hi lo hmuakin parthi awrhtir ani a. District chhunga department hrang hrang hotute nen DC’s Conference Hall, Saiha-ah meeting pawimawh tak an nei zui nghal ani.

He meeting Pu Kunal District Bawrhsap kaihhruai ah hian thu sawiin Larsap chuan Mizoram hmasawn theih lohna pakhat chu a hun taka project thehluh loh leh Utilisation Certificate thehluh kan ngaihsak thin lo hi ani a ti a, tunhnai ruahsur nasat avanga Saiha District in harsatna hrang hrang kan tawh chungchangah min tuarpui takzet thu sawiin tun atang chuan In leh Lo, Khua leh Kalkawng te kan din dawnah ruahmanna felfai tak kan neih hmasak phawt a pawimawh ani, tiin hei hian chhiatna nasa tak chu min pumpelh tir thei dawn ani, ati bawk. Larsap chuan Mara Autonomous District Council Office a tlawh leh nghal a, M.A.D.C. Office Complex-a amah lo hmuahna inkhawm tawi buatsaihah Pu F.C. Zase Chairman, M.A.D.C. chuan amah lo chawnglawm-na thu a sawia, hemi hnu hian M.A.D.C.a hruaitute nen inkawm hona hun tha tak an nei zui nghala, M.A.D.C.hotuten an harsatna hrang hrang an thlen te chu Larsap chuan a theih ang anga lo bawhzui a tum thu a sawi ani. M.A.D.C. hotute hian Larsap hi Darkhuang an lo pe a, Larsap hian infiamna bungrua engemawzat District Council hnuaia Sports Department te hnenah a hlan ve nghal bawk ani. Nimin vek tlai dar 3 : 00 khan Larsap hian Saiha a chhuahsan leh nghal ani.

Larsap hi Aizawl atangin P.Chakraborty MJS, Commissioner & Secretary, District Council Affairs leh Pu Lalrikhuma Sailo Deputy Adviser, Mizoram State Planning Board ten an rawn tawiawm ani.


Source: saihaherald.wordpress.com

Maraland Idol 2010, NSV Studio,N.Colony,Siaha liata pathao haw

Maraland Idol 2010 Competition cha daihti vahro pi Maraland Idol 2010 Organising Board ta apachhuahpanohpa cha hlaohtloh kaw pata Dt. 09/11/2010, 7:00pm pata pathao hawpa a cha. Maraland Idol 2010 daihti he NSV Cable Network ta Marapa zawpi mothei awpa ta Live ta a pie. Maraland Idol 2010 Competition Pahyna daihti he Session sano lata pachhaihpa a cha. Session-I daihti he Pihno H.C Nakua, Director, Maraland Idol 2010 Organising Board chhithana ry liata Rev. CH.Chhama, Sr. Executive Secretary,ECM Siaha ta thlachhana a hnei. Khichhai laipa Shri Kunal,IAS, DC,Siaha Competition pahyna daihti a hma.

Khichhai zachhipa Mrs. Suman Goyal, IPS,SP,Siaha ta pasyunabie a reih hra. Khichhai laipa nata Khichhai zachhipa zyta mara pasaw zyta eima Mara reih pabosa apeimaw zie reina hnei eita hi nata pho pabosa nawpata Mara hlasa atao pasuana zy vata acha tapa ama reih,akhohpa mai mo thei awhpata NSV siaha ta live tamo theih aw.

Session-II liata Puhpa V. Zacho, Chief Judge, Maraland Idol 2010 Competition Highlights hneitua ta, chatawhta Host tuhpa Ls. Valenty Lapi nata St.Vabeirono Hlychho(Apaw) zyta pahnie kaw pata he ataopasuana daihti he ama siekhei.

Maraland Idol 2010 ataopasuana liata apuapa zydua cha 66 cha ei ta, he ataopasuana liatalyma cha he hawna he ta a cha : Maraland Idol 2010 chata Rs. 50000/- nata Idol Crown, 1st Runner up : Rs. 30000/- & Trophy, 2nd Runner up : Rs. 20000/- & Trophy. Top 10 -zy hnota Consolation Prize Rs. 2000/- chyu piepa ama cha aw tahpa Maraland Idol 2010 Organizing Board ta apathlu. Maraland Idol 2010 Competition hlaotloh kawpa ta pachhuahpanoh theina chhapa he SSA-Right to Education, MADC, Siaha ta a Sponsored pa vata a cha.


Source: aihaherald.wordpress.coms